13نصيحة لإتقان اللغة الانجليزية بكل سهولة ويسر

13 نصيحة لإتقان اللغة.

السلام عليكم
حاسس ان الانجليزي مهم جدا في حياتنا العلمية والعملية وعقبة في حياتك وجايبل اكتئاب عشان مش بعرفة .الحل سهل بس لازم يكون عندك عزيمة وارادة  علشلن تتعلم انا جايبلك 13 نصيحة تقيدك في تعليم الانجليزي اللي هي لغة العصر  

13 نصيحة لإتقان اللغة.

1 - اوعى تخاف من الأخطاء.

واحد من أكبر المشكلات اللى بتواجه كتير من الناس انهم بيخافوا يغلطوا وبالتالى مش بيتكلموا، ولكن الأخطاء هي اللى هتتعلم منها لأنك لما تغلط المدرس أو زميلك هيصححلك الخطأ وبالتالى مش هتغلط في نس الحاجة مرة تانية.

2 - مارس اللغة يوميا.
لازم يوميا تكون محدد وقت لممارسة اللغة وتقسم وقتك على الأربع
مهارت ( تحدث - استماع - كتابة - قراءة ).

* التحدث : حتى لو مع نفسك أو تتفرج على فيديو وتاحول تقلده وهو بيتكلم.
* الاستماع : سواء أخبار أو أغاني أو أي حاجة إنت بتحب تسمعها المهم يوميا لازم تسمع حاجة.
* الكتابة : مهم إنك يوميا تكتب Paragraph علشان تنمي مهارتك في الكتابة.
* القراءة : على النت هتلاقي مصادر كتير جدا ممكن تقرأ منها سواء مواقع إخبارية، أو نزل روايات واقرأها PDF.

3 - احتفظ بـNoteBook للكلمات.
الـNoteBook دايما تكون معاك في أي مكان تروحة، علشان تسجل فيها أي كلمة جديد، وكمان لو عندك وقت فاضي تراجع الكلمات الموجوده فيها.

4 - اختبر نفسك.
مهم انك تختبر نفسك علشان تعرف مستواك وتعرف إيه المهارة اللي بتتحسن، وإيه المهارة اللي محتاج تشتغل عليها أكتر.

5 - حدد أهداف واضحة.
يعني مثلا هتحدد إنك بنهايه الأسبوع هتكون عرفت 50 كلمة جديدة، أو سمعت عدد معين من مقاطع الصوت أو قرأت 30مقال.

6 - ابعد عن مصادر التشتت.
حاول في وقت المذاكرة تبعد عن أي مصدر ممكن يقلل من تركيزك زي التليفون والـFacebook ‏‎wink‎‏ رمز تعبيري

7 - حدد فترات للمذاكرة.
كل فترة تكون 30 دقيقة وخودلك فاصل علشان تستعيد تركيزك وارجع كمل مذاكرة تاني.

8 - ابعد عن فخ الاستعجال.
أوقات كتير بنكون مستعجلين وعاوزين نلاقي نتيجة في وقت قليل وده بيكون سبب في إن كتير من الناس مش بتكمل الطريق اللى بدأته، ماتستعجلش واستمر في اللى انت بتعمله علشان تلاقي نتيجة كويسة.

9 - اقرأ كتب الأطفال.
لو انت مبتدأ، كتب الأطفال تعتبر بداية ممتازة جدا، لأن هتلاقي معلوماتها بسيطة واسلوبها سهل وهتقدر تكتسب منها معلومات كتير بكل سهولة.

10 - اعرف الفكرة العامة أولا.
لو بتقرأ مقال أو كتاب أو أيا كان الحاجة اللى بتقرأها ماتقفش على كل كلمة وتروح تدور على معناها، حاول تفهم المعنى العام الأول وبعد كده ابقى ارجع شوف الكلمات اللى انت مش عارفها.

11 - اتعلم الـprefixes زي -Dis- ، un- ، re أو الـsuffixes
زي -ly ، -ment- ، ful. هتساعد كتير في فهم معاني كتير من الكلمات.

12 - الانجليزي زي سواقة العربية.
السواقة بنتعلمها عملي مش من الكتب، وكمان الإنجليزي محتاج ممارسة علشان تقدر تتقنه.

13 - ترجم من انجليزي لإنجليزي.
من الأخطاء اللى بيقع فيها كتير من الناس هي إنهم بيترجموا من إنجليزي للغتهم الأم، حاول تترجم من إنجليزي لإنجليزي لأن ده هيساعدك إنك تحسن مستواك بشكل أسرع.

 واخيرا أنصحك انت تسجل بياناتك وخبراتك اللي اكتسبتها  في كبري الشركات في مصر والوطن العربي لكي تحظي بوظيفة كويسة تناسبك   و للـــتسجــل بياناتك من هنـــــا  علي وظائف لشركات عالمية  كبيرة و كتيرة وعلشان تلاقي فرصة عمل لك  في مجالك و للتتقدم  لاي وظيفة والبحث عن الوظائف الكثيرة اللي تناسب  من هذا الرابط 

دي بعض المصادر اللى هتساعدكم في المذاكرة :

1 - هنا هتلاقوا 4 خطوات عملية بالمصادر اللى هتساعدكم في تحسين اللغة. http://on.fb.me/1JdBcYd

2 - برامج حملوها على الموبايل لتحسين اللغة الإنجليزية.
http://on.fb.me/1JdB8b0

3 - مجموعة من المواقع اللى من خلالها تقدروا تتعلموا أي حاجة Online
http://on.fb.me/1JdBtdz

4 - 15 موقع للكتب الصوتية.
http://on.fb.me/1JdBuy4

5 - 13 موقع هيساعدوك في اكتساب مفردات اللغة.
http://on.fb.me/1JdByOo

6 - فيديوهات لـTedx اتفرجوا عليها هتستفيدوا منها.
http://on.fb.me/1JdBGxx

7 - 11 موقع للقصص القصيرة
http://on.fb.me/1JdBKgG